რუსეთის საპყრობილეში მყოფმა უკრაინელმა მფრინავმა ქალმა ნადია სავჩენკომ, რომელმაც პროტესტის ნიშნად 3 მარტს მშრალი შიმშილობა დაიწყო, სითხის მიღება დაიწყო.
მისი ადვიკატის, მარკ ფეიგინის მიერ ,,ტვიტერით“ გავრცელებულ ინფორმაციაში ნათქვამია, რომ სავჩენკომ სითხის მიღების გადაწყვეტილება უკრაინის პრეზიდენტის პეტრო პოროშენკოს თხოვნით დაიწყო. თუმცა, სავჩენკო კვლავ უარს აცხადებს საკვების მიღებაზე.
"მინდა, რომ ჩემი თხოვნა მოისმინოთ – ჩვენ არ გვსურს, რომ თქვენი ჯანმრთელობა გაუარესდეს. ჩვენ გვჭირდება ჯანმრთელი ნადეჟდა სავჩენკო – უკრაინის გმირი, სახალხო დეპუტატი, ჩვენი თავისუფლების სიმბოლო", - ნათქვამია პოროშენკოს წერილში.
ნადია სავჩენკოს გასათავისუფლებლად პეტრე პოროშენკო ასევე მზად არის, რუსეთს ტყვეები გაუცვალოს. განცხადება ამის შესახებ უკრაინის პრეზიდენტმა ანკარაში ვიზიტის დროს გააკეთა.
თურქ კოლეგასთან შეხვედრის შემდეგ გამართულ პრესკონფერენციაზე პოროშენკომ აღნიშნა, რომ მსგავსი წინადადება რუსულ მხარეს 2 წლის განმავლობაში არც ერთხელ არ წამოუყენებია.
