„ცხადია ჩემი კომპეტენცია ვერ და არ გაცდებოდა ბიზნესგადაცემებს “საქმიან დილას”, “ბიზნესკონტაქტს” და ანალიტიკას“- განაცხადა გიორგი ისაკაძემ, შპს „სტუდია მაესტროს“ ახალ დირექტორთან შეხვედრის შემდეგ.
მხარეებმა პრიორიტეტები, ერთმანეთს 40-წუთიან პრივატული საუბრის ფორმატში გააცნეს და აღნიშნეს, რომ იურიდიული ნაწილის მოგვარებას ცივილურად აპირებენ.
გიორგი ისაკაძე თავისი გუნდით აგრძელებს მუშაობას, თუმცა, მათთან ერთად ვისთანაც დაიწყო, კოტე გოგელიასთან და მაკა ასათიანთან.
"ლევანმა, როგორც შპს "მაესტროს" გენერალურმა დირექტორმა მოინდომა შეხვედრა. მან იცის ჩვენი განწყობა. ის კარგად იცნობს "მაესტროს" ჟურნალისტების განცხადებებს. ჟურნალისტები, ისევე, როგორც "ბიზნეს-კონტაქტი" და "საქმიანი დილა" რჩებიან ამ განცხადებების ერთგული. ჩვენ ეს პროექტები დავიწყეთ მაკა ასათიანთან და კოტე გოგელიასთან ერთად. მე ამის განმეორება მომიწია ბატონ ლევანთან. ჩვენ შევთანხმდით, რომ გვექნება ყველანაირი მცდელობა, რათა საქმიანი ურთიერთობის დასრულება მოხდეს მაქსიმალურად ცივილიზებულად. "ბიზნეს-კონტაქტი" და "საქმიანი დილა", ასევე "ანალიტიკა" ეთერში იქნება. რა ფორმით მოხდება და როგორ ეს გამოჩნდება. ლევანმა მიიღო დასტური იმაზე, რომ ჩვენ თანამშრომლობას არ ვგეგმავთ შპს "სტუდია მაესტროსთან", თუმცა ეს ყველაფერი მოხდება საქმიანი ურთიერთობიდან გამომდინარე", - განაცხადა გიორგი ისაკაძემ შეხვედრის დასრულების შემდეგ.
შეხვედრის დეტალებზე საუბრისას, ისაკაძემ ბიზნესგადაცემების მიმართ ლევან გაჩეჩილაძის ინტერესზე განაცხადა და სურვილზე, რომ დარჩეს "სტუდია მაესტროზე", რომ კომპანია არ დაზარალდეს.
თუმცა არჩევანზე, როგორც ისაკაძემ აღნიშნა, მან ჯერ კიდევ სამშაბათა განაცხადა, რომ მისი გუნდი "სტუდია მაესტროსთან" თანამშრომლობას არ გაგმავს. ამასთან, სამართლებრივი ველიდან რაიმე ფორმით გასვლას გამორიცხავს.
