ევროპელი დეპუტატები უკრაინელი მფრინავის ნადეჟდა სავჩენკოს გათავისუფლებას მოითხოვენ. ევროპარლამენტარები სავჩენკოს, რომელმაც მშრალი შიმშილობა დაიწყო, წერილით მიმართავენ. წერილს ადვოკატი მარკ ფეიგინი facebook- ის საკუთარ გვერდზე აქვეყნებს.
ევროდეპუტატები სავჩენკოს კრემლის უსამართლო რეჟიმის მსხვერპლს უწოდებენ დააცხადებენ, რომ მისი გათავისუფლებისთვის ბრძოლას გააგრძელებენ. ისინი სავჩენკოს გათავისუფლების მოთხოვნით მოსკოვს ევროპარლამენტის ყველა რეზოლუციაში მოუწოდებენ, რომელიც უკრაინას შეეხება და ამ საკითხს განსახილველად გაიტანენ რუს კოლეგებთან შეხვედრებაზე.
თავის მხრივ, დიდი ბრიტანეთის მთავრობამ შეშფოთება გამოთქვა, რომ ნადეჟდა სავჩენკომ მშრალი შიმშილობა დაიწყო. უკრაინელმა მფრინავმა პროტესტის ამ უკიდურეს ზომას გუშინ მიმართა.
ნადეჟდა სავჩენკოს ბრალად ედება რუსი ჟურნალისტების მკვლელობაში მონაწილეობა, რომლებიც ლუგანსკის ოლქში 2014 წლის ივნისში დაიღუპნენ. პროკურატურა მისთვის 23 წლით თავისუფლების აღკვეთას ითხოვს. სასამართლომ განაჩენის გამოცხადება 9 მარტისთვის გადადო.
