2016 წლის 2 მარტს, 12:00 საათზე, სასტუმრო „Mercure Tbilsi Old Town”-ში (ვახტანგ გორგასლის ქ N9) გაიმართება სამშენებლო კომპანია „მაქრო ქონსთრაქშენსა“ და ბანკ „რესპუბლიკა სოსიეტე ჟენერალს“ შორის მემორანდუმზე ხელის მოწერის ცერემონიალი. აღნიშნულ მემორანდუმს ხელს მოაწერენ სამშენებლო კომპანია „მაქრო ქონსთრაქშენის“ გენერალური დირექტორი ბატონი მურათ ავჯი და ბანკი „რესპუბლიკის“ ალტერნატიული გაყიდვების მართვის სამსახურის უფროსი ნათია ფრანგულაშვილი
საერთო შეთანხმების საფუძველზე გაფორმდება მემორანდუმი, რომელიც გულისხმობს მომხმარებლისთვის გადახდის პირობების მაქსიმალურად გამარტივებას. აღნიშნული გადახდის პირობები საქართველოს უძრავი ქონების ბაზარზე უპრეცენდენტო და უნიკალურია. კერძოდ მომხმარებლები შეძლებენ ისარგებლონ 100 თვიანი უპროცენტი განვადებით. ამასთან ერთად გააქტიურდება სხვადასხვა ტიპის მაქსიმალურად მომხმარებელზე მორგებული გადახდის პირობები.
საცხოვრებელი კომპლექსი მწვანე ბუდაპეშტი 11 700 კვადრატულ მეტრზე გაშენებული საცხოვრებელი კომპლექსი, ქალაქის ცენტრში, გამწვანებულ და ჯანსაღ გარემოში მდებარეობს და მობინადრეებს სთავაზობს ევროსტანდარტის 351 ბინას სრული რემონტით: აბაზანის გარნიტურით, სამზარეულოს ავეჯითა და ჩაშენებული ტექნიკით. მრავალპროფილიანი ინფრასტრუქტურა, გამწვანებული ზონა, კალათბურთის მოედანი, სკეიტბორდის რამპები, სარბენი ბილიკები, ფიტნეს ცენტრი, ბავშვთა მოვლის ცენტრი, ღია და დახურული ავტოსადგომები საცხოვრებელი კომპლექსის მთავარი უპირატესობაა. მშენებლობა სრულდება 2016 წლის მაისში.
კომპანია „მაქრო ქონსთრაქშენი“ ერთ-ერთი უმსხვილესი ინვესტორია საქართველოში. მან ქვეყნის ეკონომიკაში ინვესტირება 2013 წლიდან დაიწყო და განახორციელა ისეთი მასშტაბური პროექტები, როგორებიცაა საცხოვრებელი კომპლექსი „მწვანე ბუდაპეშტი“, საერთაშორისო 4-ვარსკვლავიანი სასტუმრო “Mercure Tbilisi Old Town” და ავეჯის სალონი „ბელისა., კომპანიამ საქართველოს ეკონომიკაში უკვე დააბანდა 70 მილიონ დოლარამდე და კვლავაც აგრძელებს ინვესტირებას ქართულ ბაზარზე. შემდეგი პროექტისთვის „მაქრო ქონსთრაქშენმა“ შეისყიდა 7 ჰექტარი მიწა და იგეგმება ახალი საცხოვრებელი უბნის მშენებლობა 100 მლნ დოლარის ინვესტიციით.
