„პოლონეთი აჭარის რეგიონისათვის, ევროპაში ერთ-ერთი პირველი და მსხვილი
ტურისტული ბაზარია”, აღნიშნულის შესახებ განცხადება აჭარის მთავრობის მეთაურმა საერთაშორისო ტურისტული გამოფენის გახსნის შემდეგ გააკეთა.
არჩილ ხაბაძემ ქვემო სილეზიის მარშალთან ცეზარ ფშიბილსკისთან ერთად ვროცლავის საერთაშორისო ტურისტული გამოფენა გახსნა და საზოგადოებას სიტყვითაც მიმართა.
არჩილ ხაბაძემ შეაფასა ორ რეგიონს შორის ურთიერთთანამშრომლობა. ხაზი გაუსვა ვროცლავის, როგორც განვითარებული ტურისტული რეგიონის გამოცდილებას. ისაუბრა მომავალ თანამშრომლობაზე და ვიზიტის ფარგლებში დაგეგმილი ღონისძიებების, გამოფენისა და ბიზნესფორუმის მნიშვნელობაზე.
„პოლონეთი აჭარის რეგიონისათვის ერთ-ერთი პირველი და მსხვილი ტურისტული ბაზარია ევროპაში, სადაც აჭარა-ბათუმის ტურისტული პოპულარიზაციის მიზნით სარეკლამო კამპანიები ყოველწლიურად ხორციელდება. ჩვენ მოხარული ვართ, რომ ტურისტული ნაკადი პოლონეთიდან აჭარაში ყოველწლიურად მზარდია. მინდა კიდევ ერთხელ მადლობა გადავუხადო ქვემო სილეზიის მარშალს დღევანდელ გამოფენაზე მოწვევისათვის,“ - აღნიშნა არჩილ ხაბაძემ.
