26 თებერვლიდან, საქართველოს ეროვნული ბანკის პრეზიდენტისა და საბჭოს თავმდჯომარის მოვალოებას ვიცე-პრეზიდენტი არჩილ მესტვირიშვილი შეასრულებს. ,,რუსთავი 2" -ის ინფორმაციით, ამის შესახებ ეროვნული ბანკის საზოგადოებასთან ურთიერთობის სამსახურის ხელმძღვანელმა, კახა ბარამაძემ განაცხადა.
გიორგი ქადაგიძეს ეროვნული ბანკის პრეზინდეტისა და საბჭოს თავმჯდომარეობის პოსტზე დღეს ვადა ეწურება.
პროცედურის მიხედვით, საბჭოს ახალი წევრი პარლამენტმა უნდა დაამტკიცოს, მოგვიანებით კი საბჭო ეროვნული ბანკის პრეზიდენტის კანდიდატურას დასამტკიცებლად გიორგი მარგველაშვილს გადაუგზავნის. პარლამენტი ქადაგიძის შემცვლელად სავარაუდოდ, კობა გვენეტაძის კანდიდატურას მხარსდაუჭერს.
