KMG International-მა, რომელიც ყაზახეთის ეროვნული ნავთობისა და გაზის კომპანია KazMunayGas-ის ნაწილს წარმოადგენს, 2015 წელს რეკორდულ საფინანსო და საოპერაციო შედეგებს მიაღწია. ჯგუფის საოპერაციო შედეგმა (EBITDA)162 მილიონი დოლარი შეადგინა, ხოლო წმინდა შემოსავალი 4.6 მილიონი დოლარს გაუთანაბრდა.
როგორც კომპანიაში განმარტავენ, საფინანსო აღრიცხვის მიხედვით, EBITDA-ს კონსოლიდირებულმა დონემ 278 მილიონი დოლარი შეადგინა, ხოლო საოპერაციო მოქმედებებიდან მიღებულმა მოგებამ 120 მილიონ დოლარს მიაღწია. უნდა აღინიშნოს, რომ კომპანიამ მოცემული შედეგები, საერთაშორისო სანავთობო ფასების დაცემის შედეგად მარაგების გადაფასების ნეგატიური გავლენის ფონზე მიიღო.
„2015 წელი წარმოადგენდა მნიშვნელოვან მომენტს KMG International Group-ის ისტორიაში. ჩვენ მივაღწიეთ ყველა სტრატეგიულ მიზანს და მიმართულებას, რომელიც 2013 წელს დავსახეთ. ყოველივე ეს, მივიღეთ იმ ინვესტიციების წყალობით, რომელიც განხორციელდა ძირითადი საშუალებების მოდერნიზაციასა და შავი ზღვის რეგიონში ბიზნესის განვითარების კუთხით. ასევე, ახალი ბიზნეს ინიციატივების განხორციელებით, რაც მიმართული გახლდათ საოპერციო ეფექტურობის გაზრდისა და საწარმოო ხარჯების შემცირებისკენ“, - აცხადებს KMG International-ის გენერალური დირექტორი ჟანატ ტუსუპბეკოვი.
2012 წელს, საოპერაციო შედეგებიდან EBITDA-ის კონსოლიდირებულმა დონემ 79 მილიონი დოლარი შეადგინა, მაშინ როცა ჯგუფის უარყოფითმა საფინანსო შედეგმა 156 მილიონი დოლარი შეადგინა. ამრიგად, 2015 წელს EBITDA-ის კონსოლიდირებული დონე გაორმაგდა, განსხვავებით 2012 წლის დაფიქსირებული ერთმაგი ზრდისგან.
ნავთობგადამამუშავებელი და სამრეწველო სერვისები
Petromidia Refinery-ის ნავთობგადამამუშევებელი ქარხანა, რომელიც KMG International Group-ის მთავარ აქტივს წარმოადგენს, ნავოდარში მდებარეობს, სადაც ნედლეულის დღიური გადამუშავების დონემ, 2015 წელს ისტორიულად მაღალ მაჩვენებელს მიაღწია (15.200 ტონა/დღეში), შავი ზღვის სანაპიროზე მდებარე ნავთობგადამამუშევებელმა საწარმომ 4.95 მილიონი ტონა ნედლეული გადაამუშავა.
კომპანიაში განმარტავენ, რომ გადამამუშავებელი საწარმო, გეგმიური სარემონტო სამუშაოების გამო 40 დღის განმავლობაში დახურული იყო, თუმცა ამას ხელი არშეუშლია აღნიშნული შედეგის მისაღებად.
„სარემონტო სამუშაოების ფარგლებში, მასშტაბური სამუშაოები შესრულდა, რათა მიგვეღწია მოწყობილობათა საოპერაციო უსაფრთხოების სასურველი შედეგისთვის და ეფექტურობის გაზრდისთვის. ჯგუფის შვილობილმა კომპანიამ - Rominserv ჩაატარა დაახლოებით 1000 საინსპექციო და 400 საკონტროლო შემოწმება QHSE თვალსაზრისით. შემოწმდა 26 რეაქტორი, შეკეთდა 50 საბურღი სვეტი, 250-ზე მეტი სითბური გადამცვლელი და 111 ელექტრო ძრავა.
ეფექტურობის გაუმჯობესებით და საწარმოო ერთეულების ოპტიმიზაციის პროგრამის შედეგად, გადამამუშავებელი ხარჯების ოპტიმიზაცია მოხდა 27%-ით და Petromidia Refinery საწარმოო მოცულობა 98%-მდე გაიზარდა.
Petromidia Refinery-ში დიზელის საწვავის მოგებამ რეკორდულად მაღალ დონეს მიაღწია, რაც შეადგენს დაახლოებით 50%-ს წარმოებული თეთრი (მსუბუქი) ნავთობპროდუქტების მთელ მოცულობაში. მაშინ, როდესაც ცენტრალურ და აღმოსვლეთ ევროპაში მდებარე გადამამუშავებელი ქარხნების საშუალო დონემ მხოლოდ 40% შეადგინა.
საცალო ქსელი და ვაჭრობა
2015 წელს ჯგუფის საცალო სეგმენტმა საწვავის გაყიდვების რეკორდულ დონეს მიაღწია (ბენზინი, დიზელი, LPG) რუმინეთში, მოლდოვაში, ბულგარეთსა და საქართველოში, რამაც დაახლოებით 2.64 მილიონი ტონა შეადგინა.
აღნიშნული რეკორდული მაჩვენებლები მიღწეულ იქნა Rompetrol-ის გასამართი სადგურების რებრენდინგის პროგრამის წყალობით, რომელიც 2013 წელს დაიწყო. აღნიშნულმა პროგრამამ, მომხმარებლების საჭიროებების გათვალისწინებით მიიღო საუკეთესო ტექნიკური გადაწყვეტილებები.
2015 წლის მიწურულს ახალი კონცეფციის ფარგლებში, რუმინეთში 121 COCO და 39 DODO გასამართი სადგური ოპერირებდა. აღნიშნული პროგრამა განხორციელდა საქართველოსა და მოლდოვაშიც.
კომპანიაში აცხადებენ, რომ სავაჭრო ბლოკმა საოპერაციო მოცულობები გასულ წელთან შედარებით, 7.5%-ით გაზარდა.
„ჩვენი მიზანია გავაძლიეროთ ჩვენი პოზიციები ევროპის და შავი ზღვის რეგიონის ბაზრებზე - დაწყებული ნავთობის მიწოდებით და გადამუშავებით, დასრულებული ნავთობპროდუქტების ვაჭრობით. ჩვენ შევქმენით პროფესიონალი და ერთგული მენეჯერთა გუნდი, რომლებიც მზად არიან უპასუხონ დროის ნებისმიერ გამოწვევას და გლობალური ბაზრის ტრენდებს“.- აცხადებს KMG International-ის გენერალური დირექტორი ჟანატ ტუსუპბეკოვი.
KMG International-ი წარმოადგენს ყაზახეთის ეროვნული ნავთობისა და გაზის კომპანია KazMunayGas-ის შვილობილ კომპანიას და დასაქმებული ჰყავს 7 000 თანამშრომელი 12 ქვეყანაში. 2007-2009 წლებში განხორციელებული შესყიდვების შემდეგ, კომპანია გახდა პლატფორმა ცენტრალური აზიის ბუნებრივ რესურსებსა და ევროპის სპეციალიზებულ ბაზრებს შორის. რუმინეთში KMG International ფლობს ერთ-ერთ ყველაზე დიდი და ყველაზე თანამედროვე გადამამუშავებელ ქარხანას შავი ზღვის რეგიონში - Petromidia Navodari Refinery, რომლის წლიური ნედლეულის გადამუშავების მოცულობა შეადგენს 5 მილიონ ტონას, ასევე Vega-ს გადამამუშავებელი ქარხანას პლოიეცში და ერთადერთ პოლიმერების საწარმოს. ჯგუფის საცალი ქსელი შეიცავს 1.100 გასამართ სადგურს რუმინეთში, მოლდოვაში, საქართველოში, ბულგარეთში, საფრანგეთსა და ესპანეთში.
ჯგუფის შვილობილი კომპანია KMG Trading AG არის ერთადერთი ოპერატორი ნედლი ნავთობის ექსპორტისთვის JSC NC “KazMunayGas” რესურსებიდან და ახორციელებს სავაჭრო ოპერაციებს საერთაშორისო ბაზრებზე.
