საქართველოს ეროვნული ბანკის პრეზიდენტი გიორგი ქადაგიძე, ოთხი სამინისტროის გაუქმების ინიციატივით გამოდის. გიორგი ქადაგიძემ გადაცემა „არჩევანში“ ჩამოთვალა ის სამინისტროები, რომელთა გაუქმებაზეც ხელისუფლებამ არსებულ ვითარებაში უნდა იფიქროს. მისი მტკიცებით, ეს საქართველოს ეკონომიკას საგრძნობლად გააჯანსაღებს.
„ვფიქრობ, რომ შესაძლებელია, გაუქმდეს ყველა უპორტფელო სამინისტრო უკლებლივ. მაგალითად, ევროინტეგრაციის სამინისტრო გაუქმდეს და, როგორც დეპარტამენტი, შეუერთდეს საგარეო საქმეთა სამინისტროს. მაგალითად, სასჯელაღსრულების სამინისტრო, რომელიც არ გხვდება თითქმის არც ერთ ევროპულ ქვეყანაში. ასევე, სპორტის სამინისტრო, რომელიც მთლიანად შეგვიძლია, გავაუქმოთ. პროფესიული სპორტი დავუთმოთ ფედერაციებს, ახალგაზრდულ საქმეთა დეპარტამენტი კი გადავცეთ ან განათლების სამინისტროს ან თავდაცვის სამინიტროს, როგორც არის შვეიცარიაში ან ავსტრიაში. ასევე, კულტურის სამინისტრო, რომელიც არის პრაქტიკულად საბჭოთა გადმონაშთი,“ - აცხადებს გიორგი ქადაგიძე.
