პრემიერ-მინისტრი გიორგი კვირიკაშვილი აცხადებს, რომ მოხარულია იმ კონსენსუსით, რომელიც მთავრობამ საგადასახადო რეფორმის მიმართ გამოხატა. მისი თქმით, ეს საკითხი ითვალისწინებს საბიუჯეტო ხარჯების შეკვეცასაც და მომზადებული წინადადება პარლამენტს სულ ცოტა ხანში გადაეგზავნება.
,,მთავრობის სხდომაზე გატანილი იქნა უკვე ერთი მნიშვნელოვანი ბლოკი ცვლილებებისა, რომელიც მთავრობის შემადგენლობამ დაამტკიცა და უკვე გადაგზავნილია პარლამენტში. ეს ეხებოდა ფუნდამენტურ საგადასახადო რეფორმას საქართველოში. ძალიან მიხარია, რომ მთავრობაში ამ საკითხთან დაკავშირებით კონსესუსი იყო. ეს საკითხი ითვალისწინებს საბიუჯეტო ხარჯების შეკვეცას და ჩვენ ამ მომზადებული წინადადებით სულ ცოტახანში მივმართავთ პარლამენტს. ეს საკითხი ეხება საქართველოში მოგების გადასახადის გაუქმებას, ანუ ესტონური მოდელის დანერგვას, სადაც ჩვენ მხოლოდ და მხოლოდ განაწილებულ მოგებას დავნერგავთ. ანუ, ბიზნესში, ეკონომიკაში ჩაბრუნებული რესურსი, მოგება არ დაიბეგრება და ისევ მოხმარდება ჩვენი ეკონომიკის განვითარებას, რაც ხელს შეუწყობს ქვეყანაში არსებული საინვესტიციო რესურსის მობილიზებას",- აღნიშნა პრემიერმა ბიზნესასოციაციის წარმომადგენლებთან შეხვედრისას, რომელიც სასტუმრო "რადისონში" მიმდინარეობს.
