15 თებერვალს, 11:00 საათზე, ”თიბისი ბანკის” სათაო ოფისში (თბილისი, მარჯანიშვილის N 7), ორგანიზაცია “პროსერვისის” ორგანიზებით, თიბისი ბანკისა და საქართველოს ტურიზმის ეროვნული ადმინისტრაციის ხელშეწყობით, ახალი ონლაინ პროგრამის - „სასტუმროების მართვისა და ონლაინ დაჯავშნის სისტემების“ პრეზენტაცია გაიმართება.
ღონისძიებას დაესწრებიან საქართველოს ეკონომიკისა და მდგრადი განვითარების მინისტრი ბ-ნი დიმიტრი ქუმსიშვილი, საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, თიბისი ბანკის ექვაირინგის განყოფილების უფროსი ნიკა კიკვაძე და საქართველოში მოქმედი სასტუმროების წარმომადგენლები. პრეზენტაციას წარმართავს კომპანია პროსერვისი -ს დირექტორი რევაზ ნატროშვილი.
პროგრამა სიახლეა საქართველოს ბაზარზე და მინზად ისახავს, მცირე და საშუალო ტურისტული ბიზნესის ხელშეწყობას. პროექტის მთავარ სეგმენტს წარმოადგენენ საქართველოს მთელ ტერიტორიაზე განტავსებული სასტუმროები.
ელექტრონული სერვისით, სასტუმროების პოტენციურ სტუმრებს, შეეძლებათ ონლაინ რეჟიმში შეამოწმონ სასურველ სასტუმროში თავისუფალი ნომრები. ასევე შეეძლებათ ონლაინ დაჯავშნა პლასტიკური ბარათით და გადახდა როგორც პირდაპირი გადახდის, ასევე ადგილზე, მოგვინებითი გადახდის პირობით.
შეთავაზება განსაკუთრებით საინტერესოა იმ სასტუმროებისათვის, რომლებსაც არ აქვთ ვებ გვერდი. პროექტის ფარგლებში, ასეთი სასტუმროები „სასტუმროს მართვისა და ონლაინ დაჯავშნის სიტემის“ პროგრამულ უზრუნვეყოფასთან ერთად, ვებ გვერდს და 1 გბ ჰოტინგს მიიღებენ.
„დღეს, თითქმის ყველა სასტუმრო სარგებლობს საერთაშორისო დაჯავშნის სისტმებით, რომლებიც შუამავალ აგენტებს წარმოადგენენ. თუმცა ამ პორტალებთან საკომისიო საკმაოდ მაღალია. ჩვენი მიზანია, ხელი შევუწყოთ ტურიზმის განვითარებასა და რენტაბელური ფასები შევთავაზოთ ჩვენს მომხმარებლებს. სისტემის მომხმარებელთათვის გათვალისწინებულია, მხოლოდ ფიქსირებული, ყოველთვიური გადასახადი, რაც არ გულისხმობს დამატებით საკომისიო გადასახადს მიუხედავა იმისა, რამდენი სტუმარი ისარგებლებს ონლაინ დაჯავშვნით“, - განაცხადა პროექტის ხელმძღვანელმა რევაზ ნატროშვილმა.
„სასტუმროების მართვისა და ონლაინ დაჯავშნის სისტემის“ ინტეგრაცია სასტუმროებისათვის უკვე დაწყებულია და ეტაპობრივად მიმდინარეობს. ასევე გათვალისწინებულია ტრენინგები თბილისსა და სხვა ქალაქებში პროგრამის ფარგლებში ჩართული მხარეებისთვის. ტრენინგები უსასყიდლოდ ჩატარდება პროსერვისის ტექნოლოგიური ექსპერტების მიერ.
პრეზენტაციაზე დასწრების საშუალება ექნებათ საქართველოში მოქმედი სასტუმროების წარმომადგენლებს, რომლებსაც დეტალურად მიეწოდებათ ინფორმაცია ახალი პროგრამის შესახებ.
