ლარის კურსთან დაკავშირებით პარლამენტის საფინანსო-საბიუჯეტო კომიტეტი ხვალ სპეციალურ სამუშაო შეხვედრას გამართავს. შეხვედრა, სადაც მთავრობისა და ეროვნული ბანკის წარმომადგენლებს ელიან, 15:00 საათისთვის დაინიშნა.
ლარის კურსი საქართველოში 22 იანვარს რეკორდულად დაეცა. საქართველოს ეროვნული ბანკის ინფორმაციით, მან დოლართან მიმართებაში, 2.4694 -ს მიაღწია. აქამდე ლარის არსებობის ისტორიაში ყველაზე უარესი გაცვლითი კურსი აზიის ფინანსური კრიზისის გამო, 1999 წლის 8 მარტს იყო, როდესაც ერთი აშშ დოლარი 2.45 ლარი ღირდა. 2015 წლის 21 სექტემბერს კი, ერთი ამერიკული დოლარი 2.45-ზე 0.0001 თეთრით ნაკლები ღირდა.
რაც შეეხება ეროვნული ბანკის დღევანდელ მონაცემებს, ხვალიდან ერთი ამერიკული დოლარის ოფიციალური ღირებულება 2.4971 ლარი იქნება.
