როდესაც ასეთი კრიზისული ვითარება იქმნება, მთავრობას აქვს ერთადერთი გზა ამ პრობლემების მოსაგვარებლად, - ამის შესახებ ეკონომიკური განვითარების ცენტრის თავმჯდომარემ, რომან გოცირიძემ გადაცემა არჩევანის პირდაპირ ეთერში ისაუბრა.
“პრობლემა იმაშია, რომ მთავრობამ არ იცის, რა უნდა გააკეთოს. 2 თეზისი ჰქონდათ - ქამრების შემოჭერა და არ ვიყიდით რბილ ავეჯს. ეს იყო მთელი პროგრამა. როდესაც ასეთი კრიზისული ვითარება იქმნება, მთავრობას აქვს ერთადერთი გზა, როგორ იშოვოს მთავრობისავე ინსტრუმენტებით უცხოური ვალუტა. მთავრობას არ აქვს წარმოდგენა, რომ ვალუტის შემომტანი არის ბიზნესი და ვალუტის შემოტანა არის ჯანსაღი ეკონომიკა," - აღნიშნა რომან გოცირიძემ.
