საქართველოს ენერგეტიკის მინისტრის კახა კალაძის განცხადებით, მიმდინარე წელს, საქართველოს მოუწევს დაახლოებით 300-400 მილიონ კუბურ მეტრიანი დეფიციტის შევსება რუსული გაზით.
ექსპეტრებთან დღეს გამართული შეხვედრის შემდეგ მინისტრმა ჟურნალისტებტყან განაცხადა, რომ
ყოველწლიურად საქართველოს სჭირდება დაახლოებით 2 მილიარდ 500 ათასი კუბური მეტრი გაზი, საიდანაც, კალაძის თქმით, ძირითადი ნაწილი, დაახლოებით 90% მოდის აზერბაიჯანულ მოწოდებაზე, დანარჩენ ნაწილს კი რუსული გაზი ავსებს.
,,გამომდინარე იქიდან, რომ 2014 წელთან შედარებით, 2015 წელს გაზის მოხმარებაზე მოთხოვნა დაახლოებით 19%-ით გაიზარდა, მიმდინარე წელს, საქართველოს მოუწევს დაახლოებით 300-400 მილიონ კუბურ მეტრიანი დეფიციტის შევსება რუსული გაზით”, - აცხადებს კალაძე.
მისივე მტკიცებით, ჯერჯერობით არცერთ მილსადენს, რომლითაც საქართველოში აზერბაიჯანული გაზი შემოდის, არ აქვს დამატებითი მოცულობის გატარების საშუალება.
,,ყოველდღიურად ჩვენ გვიწევს დაახლოებით, 11 მილიონზე მეტი კუბური მეტრი გაზის შემოტანა მილსადენიდან, რომელსაც „სოკარი“ საქართველოს აწვდის, ეს არის 6 მილიონი მოცულობა, რომელსაც დღეს ისინი ატარებენ. ფიზიკურად შეუძლებელია მეტი დამატებითი მოცულობები იქნას გატარებული“,- განაცხადა კალაძემ.
მისივე თქმით, ხელშეკრულება „გაზპრომთან“ მხოლოდ ერთი წლით ფორმდება.
