მთავრობამ „საჯარო რეესტრის შესახებ“ შესახებ კანონში ცვლილებები მოამზადა, რომლის გათვალისწინებით, ის მიწის ნაკვეთები, რომელიც საჯარო რეესტრში საკუთრებად რეგისტრირებული არ არის, სახელმწიფოს საკუთრებად დარეგისტრირდება.
პარლამენტში მთავრობამ აღნიშნული ცვლილებების განხილვა დაჩქარებული წესით მოითხოვა, ხოლო ბიუროს სხდომაზე დეპუტატებმა ცვლილებებზე საკუთარი კრიტიკული დამოკიდებულება დააფიქსირეს.
პარლამენტის დარგობრივი ეკონომიკისა და ეკონომიკური პოლიტიკის თავმჯდომარის, ზურაბ ტყემალაძის განცხადებით, სახელმწიფოს დღესაც ჩვეულებრივად შეუძლია, რომ არარეგისტრირებული მიწის ნაკვეთები რეგისტრაციაში საკუთარ თავზე გაატაროს.
ტყემალაძის მსგავსად, იურიდიულ საკითხთა კომიტეტის თავმჯდომარე, ვახტანგ ხმალაძემ განაცხადა, რომ მთავრობის საკანონმდებლო ინიციატივა ბევრ კითხვას აჩენს.
მისი განმარტებით, პრივატიზაცია სახელმწიფოს ან ადგილობრივი თვითმმართველობის საკუთრებაში არსებული მიწის ნაკვეთის კერძო საკუთრებაში გადაცემაა.
