19-20 დეკემბერს სუპერმარკეტების ქსელი „სმარტი“და ამერიკული რესტორნების ქსელი „ვენდი“სოციალური საწარმოების საშობაო გამოფენა-გაყიდვას მასპინძლობს და შესაძლებლობას აძლევს ერთგულ მომხმარებელს წვლილი შეიტანოს სოციალური მეწარმეობისა განვითარებასა და შეზღუდული შესაძლებლობების მქონე ადამიანების, სოციალურად დაუცველი ჯგუფების, დევნილების და იმ პირების თანადგომაში განსაკუთრებულ ზრუნვას რომ საჭიროებენ.
„“ვისოლ ჯგუფისათვის“ქართული წარმოების წახალისება დასაზოგადოებაზე ზრუნვა კორპორაციული სოციალური პასუხისმგებლობის სტრატეგიის მნიშვნელოვანი მიმართულებებია. შესაბამისად, საქართველოში მოქმედი სოციალური საწარმოების გამოფენა-გაყიდვა სუპერმარკეტების ქსელ „სმარტსა“ და ამერიკული რესტორნების ქსელ „ვენდიში“არა მხოლოდ ჩვენი მცდელობაა საზოგადოების ცნობადობა ავამაღლოთ სოციალური მეწარმეობისა და მინი მნიშვნელობის შესახებ, არამედ შესაძლებლობაა ფართო საზოგადოებას ვაჩვენოთ მსგავსი საწარმოების და იქ დასაქმებული ადამიანების შესაძლებლობები და ბიზნესის წარმოების უნარები. „სმარტში“ ამ ეტაპზე სოციალური საწარმოების - „დავითიანნის“ და „ზესხოს“ ხის სათამაშოების და სვანური მარილის რეალიზაცია წარმატებით მიმდინარეობს. იმედს ვიტოვებთ, რომ საშობაო გამოფენა-გაყიდვაში მონაწილე სოციალური საწარმოებისათვის „სმარტისა“ და „ვენდის“საგამოფენო სივრცე ახალი პარტნიორების მოძიების მნიშვნელოვანი შესაძლებლობა იქნება“, აცხადებენ „ვისოლ ჯგუფში“.
“სმარტის“ ვაკის სუპერმარკეტში და საბურთალოს „ვენდის“ ამერიკულ რესტორანში სოციალურმა საწარმოებმა:„დავითიანნმა“, „არტ კოდამ“, „ჯოყოლომ“, „არბომ“ , „ბაბალემ“, „ფარშევანგმა“, „რეას ციყვებმა“, ხალხური რეწვის სალონმა „ხვარამზემ“, "ტრადიციულმა მოდის სახლმა“ საახალწლო-საშობაო თემატიკის ხელნაკეთი პროდუქციის ფართო არჩევანი შეათავაზეს მომხმარებლებს.
