სამოქალაქო ავიაციის სააგენტო განმარტავს, რომ ერზრუმის აეროპორტში მიტოვებული თვითმფრინავი საჰაერო ხომალდების რეესტრიდან ამოღებულია.
Daily Sabah-ის ინფორმაციით, Sky Georgia-მ 2011 წლის 23 ოქტომბერს ერზრუმში ჰუმანიტარული ტვირთი ჩაიტანა და ყაზახეთში მომხდარი ინცინდეტის შედეგად მიღებული დაზიანების გამო თვითმფრინავი მიატოვა.
როგორც „ჯი-ეიჩ-ენს“ სააგანტოში განუმარტეს, მათი ინფორმაციით თვითმფრინავი იმდენად იყო დაზიანებული, რომ შეკეთებას არ ექვენდებარებოდა.
„რატომ არ წაიყვანა თვითმფრინავი მეპატრონე სადაზღვევო კომპანიამ უცნობია. საჰაერო ხომალდი 2012 წლიდან რეესტრში არ ირიცხება. საჰაერო ხოლმალდი 2012 წლიდან ამოღებულია საქართველოს სამოქალაქო საჰაერო ხომალდების რეესტრიდან მეპატრონის განცხადების საფუძველზე“, - განამუმარტეს „ჯი-ეიჩ-ენს“ სააგენტოში.
სააგენტოში ასევე განმარტავენ, რომ თვითმფრინავის მეპატრონე იყო უცხოელი და მათთვის უცნობია რა სამართლებლივი ან ტექნიკური ღონისძიებები გატარდა მისი მხრიდან.
Daily Sabah-ის ინფორმაციით, თვითმფრინავმა ერზრუმში საერთაშორისო ჰუმანიტარული ტვირთი ჩაიტანა, რომელიც განკუთვნილი იყო 2011 წელს მომხდარი მიწისძვრის დროს დაზარალებულთა დასახმარებლად, რომლის დროსაც 4 ათასამდე ადამიანი დაშავდა და 600-მდე ადამიანი დაიღუპა.
ერზრუმის აეროპორტის ხელმძღვანელობა თვითმფრინავის 4 წლის განმავლობაში დგომის საფასურს 640 ათას ევროს ითხოვს.
