ფინანსთა მინისტრმა სებ-ის პრეზიდენტს პარლამენტის ტრიბუნიდან მადლობა გადაუხადა. ნოდარ ხადურის განცხადებით, მომავალი წლისათვის უცხოელი ექსპერტები ლარის 10 %-ით გამყარებას ელოდებიან.
,,საკმაოდ საინტერესო პროგნოზები აქვთ უცხოელ სპეციალისტებს, უცხოელ მაკროეკონომისტებს, კომერციულ სტრუქტურებთან მომუშავეებს. ამას წინათ "საქართველოს ბანკის" ღონისძიებაზე ერთ-ერთი ექსპერტი იყო ჩამოსული. მომავალი წლისათვის ლარის გამყარებას ის დაახლოებით 10%-ით ელოდება", - განაცხადა ფინანსთა მინისტრმა.
მან გიორგი ქადაგიძეს დღეს მადლობა ლარის კურსთან დაკავშირებით გაკეთებული განცხადების გამო გადაუხადა.
"გავიმეორებ გიორგი ქადაგიძის სიტყვებს, რომ ლარის გაცვლით კურსთან დაკავშირებით ბიუჯეტი იყო ნეიტრალური და ბიუჯეტს ზეგავლენა არ მოუხდენია. ეს დღეს ბატონმა გიორგიმ განაცხადა, რისთვისაც მას მადლობას ვეტყვი", - განაცხადა ხადურმა.
პარლამენტმა დღეს 2016 წლის სახელმწიფო ბიუჯეტის პროქტი უნდა დაამტკიცოს.
