ეროვნული ბანკის პრეზიდენტი გიორგი ქადაგიძე
წლიური ანგარიშით პარლამენტის წინაშე მომდევნო სასესიო კვირაში წარსდგება.
ქადაგიძემ ჟურნალისტებთან ასევე განაცხადა, რომ დღეს პარლამენტში იმყოფება სებ-ის ვიცე-პრეზიდენტი, რომელიც ზუსტ დროს შეათანხმებს.
"ჩვენი სურვილია, რომ ეს მოხდეს მომდევნო სასესიო კვირაში. დარწმუნებული ვარ, რომ 23, 24, 25 რიცხვებში შესაძლებელი იქნება წლიური ანგარიშის განხილვა", - განაცხადა გიორგი ქადაგიძემ.
მისი თქმით, სხვადასხვა მიზეზის გამო წლიური ანგარიშის განხილვა გადავადდა, თუმცა ეს არის ამ რანგში მისი ბოლო წლიური ანგარიში. შესაბამისად, გიორგი ქადაგიძე გეგმავს, რომ ყველა იმ გამოწვევასა და მიღწევაზე ისაუბროს, რომელიც ეროვნულ ბანკს ჰქონდა.
