მომავალი წლის პირველი სექტემბრიდან, მაღალმთიან რეგიონებში მცხოვრები პენსიონერებისთვის პენსია 216 ლარი იქნება.
ამის შესახებ ჟურნალისტებს ფინანსთა მინისტრმა, ნოდარ ხადურმა განუცხადა.
მინისტრის მტკიცებით, მთავრობის მიერ მომზადებული ბიუჯეტის მთავარი პრიორიტეტი ადამიანზე ზრუნვა და მათი მდგომარეობის გაუმჯობესებაა.
მისი ცნობით, ბიუჯეტის ხარჯების 1/3 ჯანდაცვის სამინისტროზე მიდის.
„ეს არის 180 ლარამდე გაზრდილი პენსია და კიდევ ერთ სიანტერესო ციფრს გეტყვით. მომავალი წლის პირველი სექტემბრიდან მაღალმთიან რეგიონებში მცხოვრები პენსიონერებისთვის 216 ლარი იქნება. ეს მაღალმთიანი კანონიდან გამომდინარეა. ჩვენ ზრუნვას ვაგრძელებთ, რომ ეკონომიკა ვითარდებოს. თითქმის, მილიარდი ინფრასტრუქტურაზე დაიხარჯება და განათლების სამინისტროს ხარჯები პირველად მილიარდს მიუახლოვდა“, - განაცხადა ხადურმა.
ფინანსთა მინისტრი 2016 წლის ბიუჯეტის პროექტს დღეს, პარლამენტს წარუდგენს. მინისტრი უკვე პარლამენტშია.
