ოპოზიციონერი დეპუტატი ნუგზარ წიკლაური „ნაციონალური მოძრაობის“ დაკავებულ მხარდამჭერებს მირიან დეისაძეს, კახა ნარსიასა და გიორგი გაბუნიას სინდისის პატიმრებად მიიჩნევს.
დღევანდელ პლენარულ სხდომაზე, წიკლაურმა დაკავებულების თაობაზე ტრადიციისამებრ ისაუბრა და აღნიშნა, რომ ეს ადამიანები დაპატიმრებულები არიან გამოგონილი ბრალდებებით.
მისი თქმით, ეს ადამიანები საკუთარი აზრის გამოხატვის გამო დააკავეს.
„ეს ჩვენი ისტორიის სამარცხვინო ფურცლებია. ღარიბაშვილის დავალებით საქართველოს მასშტაბით „ნაციონალური მოძრაობის“ 63 ოფისზე ერთდრულად თავდასხმები განხორციელდა, ეს კი მაშინ ხდებოდა, როცა ხელისუფლება პენსიონერებისთვის 50 ლარს ვერ პოულობს“, - დასძინა წიკლაურმა.
