ფრაქცია „თავსიუფალი დემოკრატების“ წევრის, გიორგი ცაგარეიშვილის შეფასებით, თბილისის მერის, დავით ნარმანიას განცხადებას არცერთი თბილისელი არ დაიჯერებდა, რომ დედაქალაქში 500 ათასი ხის ძირია დარგული.
დღევანდელ პლენარულ სხდომაზე, ცაგარეიშვილი ნარმანიას განცხადებას გამოეხმაურა და აღნიშნა, რომ არავინ იცის, ეს ხეები სად და რა მეთოდითაა დარგული.
„500 ათასი ხე სად არის დარგული, ვერ გავარკვევთ, მაგრამ თბილისის ყველა უბანში 500 ათასი ხე რომ მოჭრილია, ამაში დარწმუნებული ვარ. ნარმანიას დაპირება დაპირებად დარჩა, რადგან ამ მიმართულებით არცერთი ნაბიჯი არ არის გადადგმული. ნინო გოცაძე, რომელიც ბოტანიკური ბაღის დირექტორი იყო და ის პოსტზე მე წარვადგინე, სამსახურიდან უაპელაციოდ მოხსნეს, რაც აღმაშფოთებელია. ეს ადამიანი კვალიფიციური კადრია, რომელიც წლების მანძილზე, გარემოს დაცვის სამინისტროში მუშაობდა და ეს ქალბატონი თბილისისთვის დიდი იმედი იყო. ბოტანიკურ ბაღში კვლევითი-სამეცნიერო მუშაობა მიმდინარეობს და ამ ადამიანის ასე უაპელაციოდ გაშვება, ხაზს იმას უსვამს, რა ხდება მერიაში. ზღაპრები, რომ ვითომ ეკოლოგიურ გაჯანსაღებაზე მუშაობენ, ზღაპრებად დარჩება, რადგან იმ ქალაქში ვცხოვრობთ და ჰაერს ვსუნთქვათ“, - აღნიშნა ცაგარეიშვილმა.
კანონმდებლებმა ყურადღება თვითმართველობებში არსებულ სიტუაციაზეც გაამახვილა და აღნიშნა, რომ თვითმართველობებში სრული გაუცხოებაა, ადამიანებს არც გამგებლები და არც მაჟორიტარები არ ესაუბრებიან.
„მათთან არავინ მიდის და მოსახლეობასთან არავითარი დიალოგი არ მიდის. დაკარგულია ხელისუფლება, რომელსაც თბილისებისთვის სათქმელიც აღარ დარჩა“, - დასძინა ცაგარეიშვილმა, რომელმაც ხელისუფლება თემქის რაონის მოსახლეობის პრობლემების დაინტერესებისკენ მოუწოდა.
