გერმანული გამოცემა Die Welt-ის ინფორმაციით, ორივე ქვეყნის მოქალაქეებისთვის ევროკავშირთან უვიზო მიმოსვლა 2016 წლის შუა პერიოდიდან დაიწყება. გამოცემა თავის ინფორმაციაში დიპლომატიურ წრეებს ეყრდნობა.
Die Welt-ი აღნიშნავს, რომ 15 დეკემბერს ევროკომისიამ უნდა წარადგინოს ანგარიში, რომელშიც დადებითად შეფასდება კიევისა და თბილისის მიერ უვიზო მიმისვლისთვის აუცილებელი პირობების შესრულება.
ევროკომისიის შეფასება გახდება ევროკავშირის ქვეყნებისთვის იმის წინაპირობა, რომ საქართველოსა და უკრაინის მოქალაქეებს უვიზო მიმოსვლაზე თანხმობა მისცეს. გამოცემა განმარტავს, რომ უვიზო რეჟიმი საქართველოსა და უკრაინის მოქალაქეებისთვის გულისხმობს ნახევარი წლის გამვალობაში სამი თვის ვადით ევროკავშირის ტერირტორიაზე ყოფნის უფლებას. ამავე დროს, ევროკავშირის რომელიმე ქვეყანაში მუშაობის ნებართვას უვიზო მიმოსვლა არ ითვალისწინებს.
