პრემიერ-მინისტრის გადაწყვეტილებით, ფინანსთა მინისტრს, 5-ის ნაცვლად, 6 მოადგილე ეყოლება. ამასთან დაკავშირებით მთავრობის დადგენილება დღეს გამოქვეყნდა, რომელსაც ხელს პრემიერ-მინისტრი აწერს.
დადგენილებაში ნათქვამია, რომ ცვლილება შევა „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2013 წლის 17 დეკემბრის №341 დადგენილებაში.
ცვილების თანახმად კი ფინანსთა მინისტრს 5-ის ნაცვლად 6 მაოდგილე ეყოლება. დღემდე მოქმედი ნორმით, ფონანსთა მინისტრს 1 პირველი მოადგილე და 4 მოადგიულე ჰყავდა. ამის შემდეგ კი რიგითი მოადგილებიის რაოდენობა 5-მდე გაიზრდება.
მინისტრის პირველ მოადგილესა და მოადგილეებს, მინისტრის წარდგინებით, თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.
ჯერჯერობით უცნობია, ვინ გახდება ხადურის მეექვსე მოადგილე და შეიცვლეა თუ არა პირველი მოადგილე.
სამინისტროს ვებგვერდზე გამოქვეყნებული ინფორმაციის თანახმად, მინისტრს ხუთი მოადგილე ჰყავს. ესენი არან: გიორგი თაბუაშვილი - მინისტრის პირველი მოადგილე, სსიპ შემოსავლების სამსახურის უფროსი; გიორგი კაკაურიძე - მინისტრის მოადგილე, საპარლამენტო მდივანი; დავით ლეჟავა - მინისტრის მოადგილე; ლაშა ხუციშვილი - მინისტრის მოადგილე და ცოტნე ყავლაშვილი - მინისტრის მოადგილე, სახაზინო სამსახურის უფროსი.
ასევე უცნობია ისიც, თუ რა საჭიროებით არის განპირობებული კიდევ ერთი მაღალანაზღაურებადი თანამდებობის შექმნა მაშინ, როდესაც მთავრობას ადმინისტრაციული ხარჯების შემცირების პოლიტიკა აქვს დაანონსებული.
2016 წლის ბოუჯეტის პროექტში ფინანსთა სამინისტროში დასაქმებულთა რაოდენობა 2015 წლის მაჩვენებლის ანალოგიურია და მთლიანობაში 4785-ს შეადგენს. ამასთან, მომავალი წლისთვის დასაქმებულთა შრომის ანაზღაურება 800 ათას ლარზე მეტით არის შემცირებული. (2015 წელს ფინანსთა სამინისტროსთვის შრომის ანაზღაურება 65 მილიონ 115 ათასი ლარით იყო განსაზღვრული. 2016 წლის ბუჯეტის პროექტში კი ეს მაჩვენებელი, იგივე რაოდენობის დასაქმებულთა პირობებში, 64 მილიონ 310 ათასით არის განსაზღვრული).
მიუხედავად იმისა, რომ დადგენილება 2 დეკემბრის რიცხვით არის გამოქვეყნებული, ცვლილება ძალაში 1 დეკემბრიდან შევიდა.
