ვერც ქართული და ვერც სომხური ხილ-ბოსტნეული ვერ ჩაანაცვლებს თურქულს ვერც ხარისხით, ვერც ფასით და ვერც მოცულობით, აცხადებს ეროვნული ბანკის ყოფილი პრეზიდენტი რომან გოცირიძე.
გორიციძე მიიჩნევს, რომ ეიფორიის დრო არ არის და თურქეთისა და რუსეთის დაპირისპირება ქართული ეკონომიკის განვითარების გარანტი ვერ გახდება.
„ნუ ჩავვარდებით ეიფორიაში. ვერც ქართული და ვერც სომხური ხილ-ბოსტნეული ვერ ჩაანაცვლებს თურქულს ვერც ხარისხით, ვერც ფასით და ვერც მოცულობით.
რუსეთს მიეცა შანსი დიდი ზეწოლა მოეხდინა თურქეთზე, განსაკუთრებით ტურიზმში პრობლემების შექმნის გზით. თურქეთისადმი ემბარგო რუსეთსაც საკმაოდ დააზიანებს. მიდიან ამაზე. როგორც ჩანს, მთავარი მიზანი არის ის, რომ აიძულონ თურქეთი შავი ზღვის ქვეშ მეორე, გაზსადენის, ე.წ. ” თურწული ნაკადის” გაყვანაზე, რომელიც ბოლო დროს ჩიხში შევიდა. მთავარი სავაჭრო თემა იქნება შეზღუდვების მოხსნა გაზსადენის სანაცვლოდ, რომელიც შემდეგ თურქეთის გავლით საბერძნეთს უნდა დაუკავშირდეს.“, - აცხადებს გოცირიძე.
მისივე თქმით, ქართული ეკონომიკისთვს სეზონური ეფექტი მხოლოდ ტურისტების ზრდას შეიძლება მოჰყვეს.
„ჩვენთვის სწრაფი, მაგრამ სეზონური ეფექტი მხოლოდ ტურისტების ზრდას თუ შეიძლება მოჰყვეს. დანარჩენს მშვიდი და კარგად დათვლილი მიდგომა სჭირდება. საქონლის ექსპორტშიც იქნება გარკვრული ზრდა, მაგრამ ნუ დაგვავიწყდება ღვინის შარშანდელი ისტორია. ზოგადად, ეკონომიკა კარგად ვითარება მშვიდ სამეზობლო გარემოში და არა ექსტრემალურად გაჩენილი შანსით”, - აცხადებს რომან გოცირიძე.
