მომავალი წლის ბიუჯეტი 10 მილიარდ 145 მილიონი ლარი იქნება, - განაცხადა ფინანსთა მინისტრმა ნოდარ ხადურმა, რომელმაც მთავრობის დღევანდელ სხდომაზე მაკროეკონომიკური პარამეტრები წარადგინა.
„მინდა, მაკროეკონომიკური პარამეტრები წარმოგიდგინოთ. მომავალი წლის ბიუჯეტი გადააჭარბებს უკვე 10 მილიარდ ლარს და 10 მილიარდ 145 მილიონი ლარი იქნება. ეს არის ის პარამეტრი, რომელზეც ჩვენ უკვე ავაგეთ ეს ბიუჯეტის პროექტი და წარვადგენთ საქართველოს პარლამენტში“, - განაცხადა ხადურმა.
მისივე თქმით, 2012 წლის ბიუჯეტი 8 მილიარდზე ნაკლები იყო დაშესაბამისად იგი 2 მილიარდით არის გაზრდილი.
მნიშვნელოვნადაა გაზრდილი სოციალური ხარჯები, ადამიანებზე ზრუნვა პრიორიტეტია, ჯანდაცვის პროგრამაზე ჩვენი ოპონენტები ამბობენ, რომ არის უვარგისი პროგრამა. რატომღაც, ადამიანის ჯანმრთელობაზე ზრუნვა თურმე არ უნდა იყოს სახელმწიფოს პრიორიტეტი“, - განაცხადა ხადურმა.
