იოჰანესბურგის სავაჭრო-სამრეწველო პალატამ საქართველოსთან დაკავშირებული პირველი ბიზნეს სემინარი „სამხრეთ აფრიკა-საქართველოსსავაჭრო და საინვესტიციო შესაძლებლობები“ გამართა. ღონისძიება საქართველოს საელჩოსა და საქართველო-სამხრეთ აფრიკის ბიზნეს საბჭოს მხარდაჭერით ჩატარდა.
საქართველოს საგარეო უწყების ინფორმაციით, სემინარი იოჰანესბურგის სავაჭრო-სამრეწველო პალატის საერთაშორისო ვაჭრობის მიმართულების ხელმძღვანელმა ნადა რეინეკემ გახსნა.ღონისძიებას უძღვებოდა სამხრეთ აფრიკა-საქართველოს სავაჭრო პალატის ხელმძღვანელი, მარიუს ჰაინსი. სემინარის მონაწილეებს სიტყვით მიმართა საქართველოს საგანგებო და სრულუფლებიანმა ელჩმა, ბექა დვალმა, რომელმაც ისაუბრა საქართველოს ღია და ლიბერალურეკონომიკურ პოლიტიკაზე, ასევე, საქართველოს საგარეო პოლიტიკაზე, რომლის პრიორიტეტებს ევროპული და ევროატლანტიკურიინტეგრაცია წარმოადგენს. ელჩმა საკუთარ გამოსვლაში ხაზი გაუსვა საქართველოს ინტერესს, განავითაროს პოლიტიკური, ეკონომიკური დაკულტურული კავშირები, ზოგადად, აფრიკის კონტინენტთან და კონკრეტულად, სამხრეთ აფრიკის რესპუბლიკასთან.
ღონისძიების მონაწილეებს საქართველოს საინვესტიციო შესაძლებლობების შესახებ პრეზენტაცია წარუდგინეს ეროვნული საინვესტიციოსააგენტოს წარმომადგენლებმა. მათ სამხრეთ აფრიკელ ბიზნესმენებს და იოჰანესბურგის სავაჭრო პალატის წევრებს გააცნეს საქართველოშიარსებული სავაჭრო და საინვესტიციო შესაძლებლობები. ისაუბრეს ორი ქვეყნის ბიზნეს სექტორებს შორის კავშირების დამყარების დაორმხრივი სავაჭრო და საინვესტიციო შესაძლებლობების განვითარების პერსპექტივებზე.
აღინიშნა, რომ ევროპისა და აზიის გზაჯვარედინზე, შავი ზღვისა და კასპიის ზღვის რეგიონებს შორის მდებარე საქართველო სულ უფრომიმზიდველი ხდება იმ უცხოური კომპანიებისა და ინვესტორებისათვის, რომელთაც სურთ ადგილი დაიმკვიდრონ სამხრეთ კავკასიისბაზრებზე და მიმდებარე რეგიონებში. ხაზი გაესვა, რომ საქართველო უკვე ჩამოყალიბდა, როგორც რეგიონული ცენტრი ბიზნესისწარმოებისთვის. საინვესტიციო სააგენტოს წარმომადგენლებმა დამსწრე ბიზნესმენების ყურადღება მიაპყრეს საქართველოს ეკონომიკისდივერსიფიცირებულ ხასიათზე, ეფექტურ და კორუფციისაგან თავისუფალ სახელმწიფო ინსტიტუტებზე და მზარდ საინვესტიციოშესაძლებლობებზე ტურიზმის, სოფლის მეურნეობის, ენერგეტიკის, მრეწველობის, ფინანსურ და სხვა სექტორებში.
აღნიშნული ბიზნეს სემინარის მონაწილეებს, ასევე, მიეცათ შესაძლებლობა საქართველოში ბიზნესის წარმოების თემატიკაზე ინფორმაციამიეღოთ ქვეყანაში უკვე მოღვაწე სამხრეთ აფრიკელი ინვესტორისგან, ჩარლზ მელვილისგან. მან დამსწრეთ გაუზიარა საქართველოსმიმზიდველ, უსაფრთხო და ინვესტორების მიმართ კეთილგანწყობილ ბიზნეს-გარემოში სამეწარმეო საქმიანობის წარმოების პირადიგამოცდილება.
ბიზნეს-სემინარის დასრულების შემდგომ ღონისძიებაზე მოწვეული სტუმრები, სამხრეთ აფრიკელი მეწარმეები, იოჰანესბურგის სავაჭრო-სამრეწველო პალატის წევრი სამხრეთ აფრიკული კომპანიებისა და ბიზნეს-ორგანიზაციების წარმომადგენლები საქართველოს საელჩოს მიერ ორგანიზებულ მიღებას დაესწრნენ.
