"დემოკრატიული მოძრაობა - ერთიანი საქართველოს" ლიდერის ნინო ბურჯანაძის განცხადებით, მისთვის მოსკოვში ყოფნა დისკომფორტს არ წარმოადგენს.
ამის შესახებ რუსეთის დედაქალაქში მყოფმა ბურჯანაძემ ქართველ ჟურნალისტებს განუცხადა.
"ჩემთვის ნამდვილად არ წარმოადგენს დისკომფორტს მოსკოვში ყოფნა და ფაშიზმზე გამარჯვების წლისთავთავისადმი მიძღვნილ აღლუმზე დასწრება", - აცხადებს ბურჯანაძე.
შეგახსენებთ, რომ 9 მაისთან დაკავშირებით დღეს მოსკოვში გრანდიოზული აღლუმი გაიმართა, რომელსაც ბურჯანაძე საპატიო სტუმრის სტატუსით ესწრებოდა. აღსანიშნავია, რომ მოსკოვში ყოფნის მიუხედავად, აღლუმზე დასასწრები მოსაწვევი არ მიუღია საქართველოს ყოფილ პრემიერ-მინისტრ, ზურაბ ნოღაიდელს.
