საერთაშორისო სავაჭრო პალატა მართავს მრგვალი მაგიდების სერიას, რომლებშიც პოლიტიკური პარტიები თავიანთ ეკონომიკურ პროგრამებებსადა ხედვებს წარუდგენენ კერძო სექტორის, საერთაშორისო ორგანიზაციებისა და დიპლომატიური კორპუსის წარმომადგენლებს. რიგით მეორე მრგვალი მაგიდა გაიმართება პოლიტიკური პარტიის „ერთიანი ნაციონალური მოძრაობის“ წარმომადგენლებთან 2015 წლის 29 ოქტომბერს, 11:00 საათზე, სასტუმრო„ამბასადორში“.
მომხსენებლები - დავით ბაქრაძე, გიგა ბოკერია და ზურაბ ჭიაბერაშვილი, რომლებიც ისაუბრებენ პარტიის ეკონომიკურ ხედვაზე, კონკრეტულად ეკონომიკის განვითარებისთვის მნიშვნელოვან მექანიზმებსა და ინსტრუმენტებზე. მრგვალ მაგიდას დაესწრებიან კერძო სექტორისა და საერთაშორისო ორგანიზაციების ხელმძღვანელები, აგრეთვე დიპლომატიური კორპუსის წარმომადგენლები. საერთაშორისო სავაჭრო პალატა (ICC) არის უმსხვილესი ბიზნესორგანიზაცია მსოფლიოში, რომელიც აერთიანებს 6.5 მილიონ ბიზნესორგანიზაციასა და 12,000 სავაჭრო პალატას. საერთაშორისო სავაჭრო პალატასთან რეგულარულად გადიან კონსულტაციებს გლობალურ საკითხებზე ისეთი ორგანიზაციები, როგორიცაა: G8, G20, მსოფლიო ბანკი, WTO, WCO და UN. საქართველოში, საერთაშორისო სავაჭრო პალატა (ICC Georgia) არის უმსხვილესი და ყველაზე გავლენიანი ბიზნეს ორგანიზაცია, რომელიც აერთიანებს 350-ზე მეტ კორპორატიულ წევრს, ახალგაზრდული პროექტის სტუდენტებსა და 28 ბიზნესასოციაციას.
