ფინანსთა სამინისტროს აკადემიაში, ფინანსთა სამინისტროს ჰარმონიზაციის ცენტრის ინიციატივითა და ევროკავშირის საჯარო ფინანსების პოლიტიკისა და მართვის რეფორმების პროექტის მხარდაჭერით, ეფექტიანობის აუდიტის სამდღიანი ტრენინგი გაიხსნა.
ტრენინგის მონაწილეებს სიტყვით მიმართეს ფინანსთა მინისტრის მოადგილემ დავით ლეჟავამ და ევროკავშირის პროექტის განმახორციელებელი ჯგუფის ხელმძღვანელმა, საჯარო ფინანსების მართვის ექსპერტმა, არნოლდ ჰოიტინკმა.
შიდა აუდიტის ფუნქციის გაძლიერება მნიშვნელოვანია საჯარო დაწესებულებებისათვის და წარმოადგენს სახელმწიფო ფინანსების მართვის რეფორმის ნაწილს, ხოლო ეფექტიანობის აუდიტის სათანადოდ დანერგვა-განხორციელება პრაქტიკაში, მნიშვნელოვნად გაზრდის საჯარო სექტორის პროდუქტიულ და ეფექტიან ფუნქციონირებას.
სწავლებას გაუძღვება მოწვეული საერთაშორისო ექსპერტი ნიჰად ნაკაში, რომელიც ტრენინგის მონაწილეებს გააცნობსეფექტიანობის აუდიტის არსს, ძირითად მიზნებსა და მიდგომებს, ასევე მოამზადებს მათ პრაქტიკული სამუშაოსთვის.
ტრენინგში მონაწილეობენ ფინანსთა, განათლებისა და მეცნიერების, რეგიონული განვითარებისა და ინფრასტრუქტურის სამინისტროების თანამშრომლები, რომლებიც ჰარმონიზაციის ცენტრის თანამშრომლებთან და საერთაშორისო ექსპერტთან ერთად, უშუალოდ განახორციელებენ პილოტურ აუდიტორულ შემოწმებებს.
ტრენინგის დასასრულს, შიდა აუდიტორებს გადაეცემათ სერთიფიკატები.
