საქართველო რუსეთში მწვანე კულტურების ექსპორტს განახორციელებს. ამის შესახებ სააგენტო “ტასი” იტყობინება. გავრცელებული ინფორმაციით, “როსსელხოზნადზორის” ხელმძღვანელ სერგეი დანვერტსა და საქართველოს სოფლის მეურნეობის მინისტრის მრჩეველ ზურაბ ჩეკურაშვილს შორის შეხვედრა შედგა, სადაც საბოლოო შეთანხმება იქნა მიღწეული. "როსსხელხოზნადზორის" ხელმძღვანელის მოადგილის, ალექსეი ალექსეენკოს განმარტებით, რუსეთისთვის პროდუქციის მიწოდება უხლოეს პერიოდში დაიწყება. მონიტორინგის შედეგების თანახმად, რუსულ მხარეს ქართულ მცენარეულ პროდუქციასთან დაკავშირებით პრეტენზიები არ გააჩნია. "ტასი" ზურაბ ჩეკურაშვილის კომენტარსაც ავრცელებს, რომლის თანახმადაც საქართველოს კომპეტენტური სამსახურები მზად არიან რუსეთის ბაზარზე ციტრუსის უსაფრთხო პარტიის შესატანად.
