ექსპროპრიაციის თაობაზე გადაწყვეტილების მიღების შესახებ სასამართლო განხილვის ვადა ორი თვიდან ერთ თვემდე მცირდება.
შესაბამისი ცვლილებები - „სამოქალაქო საპროცესო კოდექსში“ შედის, რომელიც ინიცირება ბიუროს დღევანდელ სხდომაზე მოხდა. ინიციატივის ავტორი ეკონომიკის სამინისტროა.
მთავრობის განმარტებით, ექსპროპიაციას დაქვემდებარებული ობიექტების ჩამორთმევასთან დაკავშირებით, სასამართლოში საკითხის განხილვის ვადა არაუგვიანეს ორ თვეს შეადგენს, რაც უმეტეს შემთხვევაში, საგრძნობლად აფერხებს და აჭიანურებს მნიშვნელოვანი ინფრასტრუქტურული და საზოგადოებრივი მნიშნელობის პროექტების განხორციელებას.
მათი ცნობით, ექსპროპიაცია ხორციელდება ისეთი აუცილებელი საზოგადოებრივი საჭიროების მქონე პროექტების განხორციელების მიზნით, როგორიც არის გზის და მაგისტრალის გაყვანა-მშენებლობა, რკინიგზის ხაზების გაყვანა, ეროვნული თავდაცვისთვის საჭირო სამუშაოები და ა.შ.
მთავრობა ცვლილებების განხილვას დაჩქარებული წესით ითხოვს, რასაც ბიურო დათანხმდა.
