კომერციული ბანკების საკრედიტო დაბანდების მოცულობა (არარეზიდენტებზე გაცემული სესხების ჩათვლით), 2015 წლის სექტემბერში, წინა თვესთან შედარებით 327.1 მლნ ლარით (2.1 პროცენტით) გაიზარდა.
საქართველოს ეროვნული ბანკის ინფორმაციით, 2015 წლის პირველი ოქტომბრისათვის საკრედიტო დაბანდების მოცულობამ15.7 მლრდ ლარს მიაღწია.
სებ-ი განმარტავს, რომგაცვლითი კურსის ცვლილების ეფექტის გარეშე სექტემბერში სესხების მოცულობის ზრდამ 1.2 პროცენტი შეადგინა.
ამავე პერიოდში, ეროვნული ვალუტით გაცემული სესხების მოცულობა 89.6 მლნ ლარით (1.6 პროცენტით), ხოლო უცხოური ვალუტით გაცემული სესხების მოცულობა 237.6 მლნ ლარით
რეზიდენტი იურიდიული პირებისათვის 2015 წლის სექტემბრის ბოლოს კომერციულ ბანკებს ეროვნული ვალუტით გაცემული ჰქონდათ 1.8 მლრდ ლარის (წინა თვესთან შედარებით 2.6 პროცენტით მეტი), ხოლო უცხოური ვალუტით - 6.0 მლრდ ლარის (3.2 პროცენტით მეტი) მოცულობის სესხი.
