საქართველოს რკინიგზამ მიიღო გადაწყვეტილება SAP AG დანერგვის შესახებ აღრიცხვიანობის გამჭვირვალობის და დაგეგმვის ხარისხის ამაღლების, ხარჯების ოპტიმიზაციის და შემოსავლების გაზრდის მიზნით.
„მსოფლიო განვითარება იწვევს ახალ გამომწვევებს. იმისათვის, რომ იყო კონკურენტუნარიანი და შეეფერებოდე ბიზნესის მოთხოვნებს, აუცილებელია ახალი ტექნოლოგიების განვითარების ეპიცენტრში იმყოფებოდე.
საქართველოს რკინიგზამ 2015 წელს მიიღო გადაწყვეტილება SAP AG დანერგვის შესახებ აღრიცხვიანობის გამჭვირვალობის და დაგეგმვის ხარისხის ამაღლების, ხარჯების ოპტიმიზაციის და შემოსავლების გაზრდის მიზნით.
კომპანიის პერსონალი და მენეჯმენტი აცნობიერებენ ამ პროექტის მნიშვნელობას და მზად არიან მთელი ძალებით მაქსიმალურად შეუწყონ ხელი პროექტის შესრულებას. ამ მიზნის მისაღწევად სს „საქართველოს რკინიგზაში“ საუკეთესო გუნდი შეირჩა.
ტენდერის შედეგად გამოვლინდა დამნერგავი კომპანია Soft-Rating Georgia რომელიც საქართველოს რკინიგზის გუნდთან ერთად განახორციელებს SAP AG დანერგვას. სისტემა დაფარავს კომპანიაში მიმდინარე ყველა დამხმარე პროცესს“ - აცხადებენ საქართველოს რკინიგზაში.
დღეს გაიმართება პროექტის პრეზენტაცია, რომელსაც საქართველოს რკინიგზის გენერალური დირექტორი, მამუკა ბახტაძე, ფინანსური დირექტორი, ირაკლი ტიტვინიძე და კომპანია Soft-Rating Georgia-ს წარმომადგენლები დაესწრებიან.
