2015 წელს 75კმ საავტომობოლო გზის მშენებლობა დასრულდა. ჩქაროსნული ავტომაგისტრალების მშენებლობა ხელისუფლებისთვის კვლავაც პრიორიტეტულ მიმართულებად რჩება. ამის შესახებ სამინისტრომ უწყების 3-წლიანი მუშაობის შეაჯამებისას რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა განაცხადა.
მინისტრის მიერ წარმოდგენილი ანგარიშის მიხედვით, ჩქაროსნული ავტომაგისტრალების მშენებლობისთვის განხორციელებული ინვესტიცია 775 მლნ. ლარზე მეტს შეადგენს. 2013 წელს დასრულდა ქობულეთის შემოვლითი გზის 12კმ-იანი მონაკვეთის მშენებლობა (I ლოტი), 2014 წელს დასრულდა ქობულეთის შემოვლითი გზის 17კმ-იანი მონაკვეთის მშენებლობა. 2014 წელს დასრულდა ქუთაისის შემოვლითი - სამტრედიის გზის 15 კმ-იანი მონაკვეთის მშენებლობა (I I ლოტი).
მინისტრმა განაცხადა, რომ წელს დასრულდა რუისი- აგარის 20კმ-იანი გზის მონაკვეთის, ზესტაფონი-ქუთაისის შემოვლითი გზის 5 კმ-იანი გზის მონაკვეთის, თბილისი-რუსთავის მაგისტრალის 6 კმ-იანი მონაკვეთის (I I I ლოტი) მშენებლობები.
წლის ბოლომდე უნდა დასრულდეს თბილისი-რუსთავის მაგისტრალის 4 კმ-იანი მონაკვეთის, ქუთაისის შემოვლითი - სამტრედიის გზის 9 კმ-იანი მონაკვეთისმშენებლობები. ხოლო, 2016 წელს დასრულდება აგარა-ზემო ოსიაურის გზის 12 კმ-იანი მონაკვეთის, 2019 წელს ზემო ოსიაური - ჩუმათელეთის გზის 14 კმ-იანი მონაკვეთის მშენებლობა.
სამინისტროს ანგარიშს დიპლომატები, დონორ ორგანიზაციების, ცენტრალური და ადგილობრივი ხელისუფლების, მედიის წარმომადგენლები ესწრებოდნენ.
