2016 წლის 1-ლი იანვრიდან მინიციპალურ ბიუჯეტებში ჩაირიცხება საშემოსავლო გადასახადის ცალკეული კომპონენტები, - განაცხადა რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა. მინისტრმა სამინისტროს 3-წლიანი მუშაობის ანგარიშში წარმოადგინა და სამომავლო გეგემებზეც ისაუბრა.
ნოდარ ჯავახიშვილის მიერ წარმოდგენილ ანგარიშში მნიშვნელოვანი ყურადღება დაეთმო თვითმმართველობის რეფორმას.
სამინისტროს მიერ მომზადებული საკანონდებლო ინიციატივების საფუძველზე შეიცვალა მუნიციპალიტეტების ინსიტუციონალური მოწყობა და გაიზარდა მათი უფლებამოსილებები, მერები და გამგებლები აირჩევიან პირდაპირი წესით, დაიწყო ადმინისტრაციულ -ტერიტორიული ოპტიმიზაცია და 7 ქალაქს მიენიჭა თვითთმართველი ქალაქის სტატუსი. 2013-2015 წლებში გადამზადდა 2000-მდე საჯარო მოხელე.
სამინისტროს ანგარიშს დიპლომატები, დონორ ორგანიზაციების, ცენტრალური და ადგილობრივი ხელისუფლების, მედიის წარმომადგენლები ესწრებოდნენ.
