ფინანსთა მინისტრი ნოდარ ხადური არ აკონკრეტებს, 2016 წლის სახელმწიფო ბიუჯეტის პროექტის გათვალისწინებით, საქართველოში გაიზრდება თუ არა პენსია.
როგორც ჟურნალისტებს ხადურმა განუცხადა, ის მზად არის, რომ აღნიშნულ საკითხზე იმუშაოს.
მისი თქმით, მთავრობა მაკროეკონომიკურ პროგნოზებს გადახედავს, ბიუჯეტის პროექტის კორექტირებულ ვარიანტს ნახავს და იმსჯელებს, რა რესურსი იქნება იმისათვის, რომ პენსიის ზრდის თაობაზე გადაწყვეტილება იყოს მიღებული.
„დღეს, პარლამენტის საბიუჯტო ოფისმა თქვა, რომ თურმე, რაღაც რესურსი გვაქვს. მზად ვარ, მათთან ერთად დავჯდე და ვნახოთ, მართლა რა რესურსია. ბიუჯეტის პროექტი რეალობასთან მაქსიმალურად მიახლოებული უნდა იყოს. ფინანსთა სამინისტრომ წარმოადგინა პროგნოზი და მუშაობას ვაგრძელებთ. ფინანასთა მინისტრი ზეპირ განცხადებებს ვერ გააკეთებს - ყველა განცხადება შესაბამისს გაანგარიშებებს და დასკვნებს უნდა ეფუძნებოდეს“, - დასძინა ხადურმა.
პენსიის ზრდას ჯანდაცვის კომიტეტის თავმჯდომარე დიმიტრი ხუნდაძე ითხოვს.
