საქართველო-თურქეთის საზღვარზე ახალი საბაჟო გამშვები პუნქტი “კარწახი” ამოქმედდა. საზეიმო ღონისძიებას ფინანსტა მინისტრი ნოდარ ხადური თურქეთის რესპუბლიკის საბაჟო საკითხთა და ვაჭრობის მინისტრთან ერთად დაესწრო. მხარეებმა განაცხადეს, რომ ახალი საბაჟო-გამშვები პუნქტის ამოქმედება ხელს შეუწყობს ადგილობრივი მოსახლეობის დასაქმებას, ქვეყნის სატრანსპორტო პოტენციალის ზრდასა და რეგიონის სოციალურ-ეკონომიკურ განვითარებას. “კარწახი” დღე-ღამეში 600-მდე სატვირთო მანქანასა და 10 ათასზე მეტ მგზავრს მოემსახურება. საბაჟო-გამშვებ პუნქტზე უკვე 70 პირია დასაქმებული. პროექტი დაახლოებით 12 მილიონი ლარი დაჯდა.
