თბილისის აბრეშუმის გზის ფორუმის მეორე დღეს პრემიერმა საქართველოში არსებულ საინვესტიციო გარემოზე ისაუბრა.
„საქართველოში ინვესტირება ისეთივე უსაფრთხოა, როგორც ევროპის ნებისმიერ ქვეყანაში. ჩვენ ნამდვილად უნდა ვისარგებლოთ იმ შესაძლებლობით, რასაც აბრეშუმის გზა ქვია,“ - განაცხადა ირაკლი ღარიბაშვილმა.
მისივე თქმით, ძალიან ბევრი ინვესტიცია მიმართულია იმაზე, რომ მხარს უჭერს საქართველოს ტურისტული ინდუსტრიის განვითარებას.
„ძალიან ბევრი ინვესტორია ამ თვალსაზრისით დაინტერესებული. ბოლო 11 წლის განმავლობაში 18-ჯერ გაიზარდა ტურისტების რაოდენობა. მათი რაოდენობა 2014 წელს იყო 5 მილიონ 500 ათასი. გასული წელი იყო მეორე, რომელის განმავლობაშიც შემოსული ტურისტების რაოდენობამ გადააჭარბა საქართველოს მოსახლეობის რაოდენობას.
მინდა დაგარწმუნოთ, რომ საქართველოს მთავრობა სრულად დაგიჭერთ მხარს თქვენს ინიციატივებში, ვიქნებით თქვენი ეფექტური პარტნიორი.
საქართველო არის ღია, სტაბილური ერი. ჩვენ დარწმუნებული ვართ, რომ მივაღწევთ ეკონომიკურ ზრდას“, - განაცხადა საქართველოს პრემიერმინისტრმა.
ფორუმის მეორე დღეს ერთ-ერთი მთავარი განსახილველი საკითხი საქართველოში არსებული საინვესტიციო შესაძლებლობებია.
