რუსეთის ფედერაციის პრეზიდენტის დიმიტრი მედვედევის განცხადებით, რუსეთში სტალინის სიმბოლიკისთვის ადგილი არ არის. ამის შესახებ მედვედევამ ინტერნეტ გაზეთ "იზვესტიას" განუცხადა.
"არავითარ შემთხვევაში არ შეიძლება ვთქვათ, რომ სტალინიზმის და მის სიმბოლიკას ვაბრუნებთ. მისი არც ერთი პლაკატი 9 მაისს ფაშიზმზე გამარჯვების 65 წლისთავის საზეიმო ღონისძიებებზე არ იქნება გამოტანილი. ეს გამორიცხულია. ეს არის ჩემი, როგორც პრეზიდენტის იდეოლოგია", - განაცხადა მედევდევამა.
ამასთან, მედევდევის შეფასებით, სტალინს საკუთარი ხალხის წინააღმდეგ ჩადენილი დანაშაული არასდროს უნდა ეპატიოს.
"თუ ვსაუბრობთ სახელმწიფო შეფასებაზე, თუ როგორ შეიძლება შევაფასოთ სტალინის მიერ ქვეყნის მმართველობის ბოლო წლები, შეფასება ასეთია: სტალინმა საკუთარი ხალხის წინააღმდეგ დანაშაული ჩაიდინა. მიუხედავად იმისა, რომ ის ბევრს მუშაობდა, მიუხედავად იმისა, რომ მისი ხელისუფლებაში ყოფნის დროს ქვეყანამ წამატებებს მიაღწია, ის რაც, მან საკუთარი ხალხის წინაღმდეგ ჩაიდინა ამის პატიება არ შეიძლება", - განაცხადა რუსეთის პრეზიდენტმა.
ამასთან, მან აქვე დასძინა, რომ ამის გათვალისწინებით "მსოფლიოში ხალხის უმრავლესობაში მისი ფიგურა დადებით ემოციებს არ აღძრავს".
