გამოითქვა რამდენიმე ძალიან საინტერესო წინადადება, რომ სხვადასხვა ქვეყანამ საქართველოს გავლით გაცვალოს ტვირთები, - ამის შესახებ ჟურნალისტებს საქართველოს ფინანსთა მინისტრმა, ნოდარ ხადურმა რუსთაველის თეატრში განუცხადა, სადაც "აბრეშუმის გზის ფორუმი" იმართება.
როგორც ფინანსთა მინისტრმა აღნიშნა, ჩინეთის პრეზიდენტის ინიციატივაა ერთიანი გზა, ერთიანი სარტყელი, რომლის ფარგლებშიც დღეს ერთ-ერთი პირველი ღონისძიება იმართება.
,,ძალიან საინტერესო პროექტებია, მათ შორის, ჩინეთისა და ევროპის დამაკავშირებელი მაგისტრალის ამოქმედება. გარდა ამისა, უკვე გამოითქვა რამდენიმე ძალიან საინტერესო კონკრეტული წინადადება იმასთან დაკავშირებით, რომ სხვადასხვა ქვეყანამ საქართველოს გავლით გაცვალოს ტვირთები. ეს არის როგორც ევროპული, ასევე აზიური ქვეყნები", - განაცხადა ფინანსთა მინისტრმა.
მისივე თქმით, კვირას გაიხსნება თურქეთ-საქართველოს დამაკავშირებელი ახალი საბაჟო-გამშვები პუნქტი, ამ კონტექსტში ჯდება.
