ზვიად ძიძიგურის სახლთან ინციდენტი მოხდა. "ეროვნული საბჭოს" მიერ დედაქალაქის მერობის კანდიდატდ წარდგენილმა ძიძიგურმა თავისი საცხოვრებელი სახლთან ნაციონალური მოძრაობის პლაკატების გაკვრა გააპროტესტა.
თვითმხილველთა, თქმით ზვიად ძიძიგურმა იარაღიდანაც ისროლა, მოგვიანებით კი მან სიტყვიერი შეურაცხყოფა ინფორმაციის გადასამოწმებლად მისულ ჟურნალისტებსაც მიაყენა.
როგორც ინციდენტის მონაწილეები ყვებიან ისინი ნაციონალური მოძრაობის პლაკატებს ჩოლოყაშვილის ქუჩაზე აკრავდნენ, როდესაც მათთან ზვიად ძიძიგური მივიდა და თავდაპირველად სიტყვიერი, ხოლო შემდგომ ფიზიკური შეურაცხყოფა მიაყენა.
დაზარალებულების თქმით, მერობის კანდიდატმა მათი მიმართულებით ოთხჯერ ისროლა.
