ექსპერტ ნიკა ჩიტაძის შეფასებით, საქართველოში დესტაბილიზაციის კერების არსებობა რუსეთის ინტერესებში შედის. ამის შესახებ ჩიტაძემ "ჯი-ეიჩ-ენს" ოპოზიციის მიერ დღეს გამართული აქციების შეფასებისას განუცხადა.
"ოპოზიციას შეეძლო დღევანდელ დღეს საპროტესტო აქცია სხვა ადგილზე გაემართა და 6 მაისის, გიორგობის დღესასწაულის, პოლიციის დღეს გამოცხადება გაეპროტესტებინათ. თუმცა ზოგი პოლიტიკოსის გარკვეული მიზანი იყო პროვოკაციის მოწყობა, თითქოს ხელისუფლება ხალხის წინააღმდეგ ძალს იყენებს", - განაცხადა ნიკა ჩიტაძემ.
მისი თქმით, რკინიგზის გადაკეტვის მცდელობა კანონსაწინააღმდეგო ქმედებაა, როგორც საქართველოს კანონმდებლობით, ასევე საერთაშორისო კონვეციის პაქტის სამოქალაქო უფლების შესახებ მიხედვით.
"პაქტი 1966 წელს არის მიღებული და მისი 21-ე მუხლის მიხედვით სატრანსპორტო მაგისტრალების, არტერიების ჩაკეტვა იკრძალება, რადგან ამ შემთხვევაში სხვა, აპოლიტკური ადამიანების უფლებები იზღუდება. მეორე მხრივ, ქვეყანაში დესტაბილიზაციის კერის არსებობა რუსეთის მიზნებში შედის, რომ საქართველო არადემოკრატიულ ქვეყნად წარმოაჩინოს", - აღნიშნა ექსპერტმა.
ჩიტაძის შეფასებით, აუცილებელია ხელისუფლებამ ასეთ დროს კანონის ფარგლებში იმოქმედოს და ძალაუფლებას არ გადაამეტოს.
"სამწუხაროდ, დღემდე გვქონდა შემთხვევები, როცა ხელისუფლებამ ძალაუფლებას გადაამეტა და ამის მაგალითია 7 ნოემბერიც. ამიტომ ასეთი პროვოკაციული აქციების დროს პასუხისმგებლობა ორივე მხარეს უნდა დაეკისროს", - განაცხადა ჩიტაძემ.
შეგახსენებთ, რომ ოპოზიციამ 6 მაისის, გიორგობის ბრწყინვალე დღესასწაულის, პოლიციის დღეს გამოცხადება საპროტესტო აქციის აღნიშნა. აქციის დროს ოპოზიციის წარმომადგენელს და პოლიციას შორის რამდენიმე ინციდენტის მოხდა, რომლის შედეგად 7 პოლიციელი და ათამდე მომიტინგე დაშავდა.
