ღვინის ეროვნული სააგენტოს მონაცემებით, 2015 წლის განვლილი 9 თვის განმავლობაში, საქართველოდან მსოფლიოს 41 ქვეყანაში ექსპორტირებულია 24 071 200 ბოთლი (0,75 ლ) ღვინო, რაც თანხობრივად 66,8 მლნ აშშ დოლარს შეადგენს.
სექტემბის თვეში, მიმდინარე წლის ყველა განვლილ თვეებთან შედარებით, ყველაზე მაღალი ექსპორტი - 4 235 132 ბოთლი დაფიქსირდა.
„შედარებისთვის- იანვარში ექსპორტირებული იყო 1 343 018, თებერვალში - 1 558 631, მარტში -2 198 535, აპრილში - 2 878 656, მაისში - 2 476 567 ბოთლი, ივნისი - 3 251 246, ივლისი - 3 094 894, აგვისტო - 3 050 265.
საანგარიშო პერიოდის მონაცემებით, ექსპორტის მატებაა ისეთ სტრატეგიულად მნიშვნელოვან ბაზრებზე, როგორებიცაა ჩინეთი - 90%, სადაც ექსპორტირებულია 1,5 მლნ ბოთლზე მეტი. ჩინეთი ქართული ღვინის ექსპორტიორი ქვეყნების ხუთეულში მეოთხე ადგილს იკავებს რუსეთის, ყაზახეთისა და უკრაინის შემდეგ.
ექსპორტის ზრდა ფიქსირდება ევროკავშირის მთელ რიგ ქვეყნებში - პოლონეთი 1% (1 112 118 ბოთლი), ლატვია - 8% (831 906), ესტონეთი - 32% (339 912), ლიტვა - 6% (437 850), გერმანია - 14% (189 054), ნიდერლანდები - 146% (38 844), საფრანგეთი - 119% (28 638).
ასევე აღსანიშნავია ექსპორტის ზრდა ისეთ სტრატეგიულად მნიშვნელოვან ბაზრებზე, როგორიცაა აშშ - 39% (181 937), იაპონია - 33% (112 226), კანადა - 69% (135 012), ექსპორტი აგრეთვე გაიზრდა ყირგიზეთში - 83% (117 840), ჰონგ-კონგი - 8% (26 834), ისრაელი - 163% (28 440), კორეა - 221%(24 054) და სხვა.
ექსპორტიორი ქვეყნების პირველი ხუთეული კი ასე გამოიყურება- რუსეთი - 12 508 086, ყაზახეთი - 3 442 296, უკრაინა - 2 149 471, ჩინეთი - 1 517 843 და პოლონეთი - 1 112 118 ბოთლი.
რეგიონში არსებული ცნობილი პოლიტიკურ-ეკონომიკური მოვლენების გამო, 2 უმსხვილეს ექსპორტიორ ქვეყანაში - რუსეთსა (-55%) და უკრაინაში (-62%) ექსპორტის მკვეთრმა კლებამ, გავლენა იქონია 9 თვის ექსპორტის საერთო მაჩვენებელზე, რომელიც 2014 წლის ანალოგიურ პერიოდთან შედარებით 44%-ითაა შემცირებული“, - ნათქვამია ღვინის ეროვნული სააგენტოს განცხადებაში.
სააგენტოს ინფორმაციითვე, ამასთან ერთად, საანგარიშო პერიოდში 17 ქვეყანაში ექსპორტირებულია 4 483 702 ბოთლი (0,5 ლ) ბრენდი, რაც თანხაში 11,8 მლნ აშშ დოლარს აღწევს. მსოფლიოს 20 ქვეყანაში ექსპორტირებულია ასევე 97 ათასი ბოთლი (0,5 ლ) ჭაჭა (372 ათასი აშშ დოლარი).
სამინისტროს ინფორმაციითვე, მთლიანობაში ღვინის, ბრენდის, ჭაჭის, ღვინომასალის, ჩამოსასხმელი ბრენდისა და საბრენდე სპირტის ექსპორტის შედეგად მიღებულმა შემოსავლებმა იანვარ-სექტემბრის მდგომარეობით 100 მლნ აშშ დოლარს მიაღწია.
