მოსკოვი სირიის ისტორიულ ქალაქ პალმირას დაბომბვის ფაქტს კატეგორიულად უარყოფს. საგანგებო განცხადება რუსეთის თავდაცვის სამინისტროს წარმომადგენელმა იგორ კონაშენკოვმა გააკეთა. მისივე თქმით, საჰაერო დარტყმები ანტიკურ ქალაქზე არ განხორციელებულა და შესაბამისად, არც ისტორიული და არქიტექტურული ძეგლები განადგურებულა. პალმირაზე კონტროლი ისლამური სახელმწიფოს დაჯგუფებამ მაისში დაამყარა და მრავალსაუკუნოვანი ძეგლები გაანადგურა.
