თუ პარკირების მომწყობი სუბიექტი კერძო კომპანია გახდება, ბუნებრივია, მას გარკვეული ბიზნესინტერესი ექნება, - ამის შესახებ დედაქალაქის ვიცე-მერმა ირაკლი ლექვინაძემ შესაბამის კითხვაზე სპასუხოდ განაცხადა.
მისი თქმით, პრაქტიკულად დასრულებულია წინადადებების მიღება კომპანიებიდან, რომლებმაც მერიას უნდა შესთავაზონ კვლევები მიწისქვეშა და მიწისზედა პარკირების მოწყობის თაობაზე. ლექვინაძის განმარტებით, აღნიშნულმა კვლევებმა უნდა განსაზღვროს გარკვეულ ადგილებში, როგორ და რა სისტემებით იქნება უფრო მომგებიანი პარკირების მოწყობა. ასევე, სად შეიძლება იყოს კერძო სექტორის ინტერესი და სად შეიძლება ჩაერთოს ადგილობრივი მინიციპალიტეტი.
„თუ კერძო კომპანია იქნება პარკირების მომწყობი სუბიექტი, ბუნებრივია, მას გარკვეული ბიზნესინტერესი უნდა ჰქონდეს, თუმცა, როგორი იქნებ ეს და რომელ უბანში როგორი სქემა იმუშავებს, ამას კვლევის შედეგები გადაწყვეტს”, - განაცხადა ლექვინაძემ.
