ვაკე-საბურთალოს დამაკავშირებელი ახალი გზა სრულად მიმდინარე თვეში გაიხსნება, - ამის შესახებ თბილისის ვიცე-მერმა ირაკლი ლექვინაძემ „თბილისი მარიოტში“ განაცხადა, სადაც საქართველოში საგზაო უსაფრთხოების სამოქმედო გეგმის პრეზენტაცია მიმდინარეობს.
„ერთი მიმართულებით გახსნაა დარჩენილი და ოქტომბერში ამ გზის გახსნაც მოხერხდება. არის სამუშაოები, რომლებიც ბოლომდეა მისაყვანი და ისინი აუცილებლად დასრულდება“, - აღნიშნა ირაკლი ლექვინაძემ.
მისივე ინფორმაციით, თბილისში ზოგიერთ ინფრასტრუქტურულ სამუშაოზე გარკვეულწილად, შეფერხებები ფიქსირდება, თუმცა, მთლიანობაში, აღნიშნული პროექტები ძალიან მალე დასრულდება.
