"რუსეთ-საქართველოს ომმა დაგვანახა, რომ ევროპაში არსებული უსაფრთხოების სისტემისადმი თვითკმაყოფილი დამოკიდებულება არ უნდა გვქონდეს",- ამის შესახებ ამერიკის შეერთებული შტატების ვიცე-პრეზიდენტი ჯოზეფ ბაიდენი "ინთერნეიშენალ ჰერალდ ტრიბუნში" გამოქვეყნებულ წერილში აცხადებს.
წერილში, რომელიც ევროპული უსაფრთხოების თემას ეძღვნება, ასევე აღნიშნულია, რომ კონფლიქტების მოგვარებისა და პრევენციისთვის ბევრად ეფექტური მექანიზმების ჩამოყალიბებაა აუცილებელი და ეს მანამდე უნდა მოხდეს, ვიდრე მათი ესკალაცია მოხდება.
შეერთებული შტატების ვიცე-პრეზიდენტმა ხაზი გაუსვა იმასაც, რომ ყველა ქვეყანას აქვს უფლება, საკუთარი უსაფრთხოების მიზნით, მისთვის სასურველი ალიანსი აირჩიოს.
სტატიაში ბაიდენმა ყურადღება რუსეთთან ურთიერთობასა და მასთან თანამშრომლობის მნიშვნელობაზეც გაამახვილა.
