რუსეთის დიპლომატიურმა უწყებამ ერაყში აშს საელჩოს სირიის ტერიტორიაზე სამხედრო მოქმედებები შეუთანხმა. ამის შესახებ სახელმწიფო დეპარტამენტის წარმომადგენელმა ჯონ კირბიმ განაცხადა. მისივე თქმით, ერთ-ერთმა რუსმა დიპლომატმა ამერიკულ მხარეს თხოვნით მიმართა, რუსული ავიაიერიშებისას ამერიკულმა თვითმფრინავებმა სირიის საჰაერო სივრცე დატოვონ. რუსეთი ისლამური სახელმწიფოს წინააღმდეგ სამხედრო ოპერაციაში მას შემდეგ ჩაერთო, რაც ფედერაციის საბჭომ პუტინს უცხო ქვეყნის ტერიტორიაზე სამხედრო ძალის გამოყენების უფლება მისცა. ამის შემდეგ რუსულმა ავიაგამანადგურებლებმა ისლამური სახელმწიფოს პოზიციებზე ავიადარტყმები განახორციელეს.
