პოლიციაზე შეტევა სიმბორულად ქართულ სახელმწიფოებრიობაზე შეტევა იყო. ამის შესახებ საქართველოს პრეზიდენტმა მიხეილ სააკაშვილმა, შინაგან საქმეთა სამინისტროსთან, პოლიციის აღლუმზე განაცხადა.
მისი თქმით, ქართულ პოლიციას ხშირად მოუწია შეურაცხყოფის მოსმენა და ბევრი დაუმსახურებელი ცისწამების ატანა. თუმცა, იყო ისეთი ფაქტებიც, რის გამოც დამსახურებულად გაკრიტიკებულა მთავრობაც და პოლიციაც.
`მაგრამ როგორც წესი, შეტევა თქვენზე, ეს იყო შეტევა სიმბოლურად ქართულ სახელმწიფოებრიობაზე. ამიტომაა, როდესაც ჩვენ ვსაუბრობთ, რომ პოლიცია დეპოზლიტიზირებულია, რა თქმა უნდა, ის დეპოლიტიზირებულია. მაგრამ დეპოლიტიზირება არ ნიშნავს საქართველოს სიყვარულზე და სახელმწიფოებრიობაზე უარის თქმას~, - განაცხადა პრეზიდენტმა.
მისი თქმით, საქართველოს სახელმწიფოებრიობაზე ხელის აღმართვა და მასზე პასუხი პოლიტიზაციას არ ნიშნავს. პოლიცია ამას პასუხს მომავალშიც გასცემს.
პრეზიდენტის განცხადებით, მას ხშირად უნახავს პლაკატები და ლოზუნგები იმასთან, დაკავშირებით, რომ საქართველომ რამდენიმე ათეული რჩეული ვაჟკაცი დაკარგა.
`როგორც წესი ცალკეული გამოკალისის გარდა, საუბარი იყო იმ ადამიანებზე, ვინც კრიმანლში მონაწილეობდა და ვინც თავდასხმის დროს იქნა მოკლული პოლიციურ შენაერთებთან შეტაკების და ცალკეულ პოლიციელებთან შეტაკების დროს. ეს ხშირად გამოიყენება მთავრობის გასალანძღად და გასაკრიტიკებლად~, - განაცხადა მიხეილ სააკაშვილმა.
მან იმ პოლიციელების სახელი და გვარები ჩამოთვალა, რომლებიც ბოლო ერთი წლის განმავლობაში, განმუხურში, დვანში, გორისა და ქარელის რაიონებში დაიღუპნენ ოკუპანტების ტყვიით, აფეთქნენ ნაღმზე და ა.შ.
პრეზიდენტის თხოვნით აღლუმზე დაღუპული პოლიციელების ხსოვნას წუთიერი დუმილით პატივი მიაგეს.
მიხეილ სააკაშვილმა პოლიციელებს მაგრად დგომისკენ მოუწოდა და საკუთარ საქმეში წარმატებები უსურვა.
