დღეს, 30 სექტემბერს, საქართველოს მთავრობა პარლამენტს 2016 წლის ბიუჯეტის პროექტს წარუდგენს.
2016 წლის ბიუჯეტის პროექტი პარლამენტის საორგანიზაციო კომიტეტში დღის განმავლობაში დარეგისტრირდება.
„ჯი-ეიჩ-ენის“ ინფორმაციით, თუ ბიუჯეტის პროექტის რეგისტრაცია დროულად მოხერხდა, შესაძლოა, ბიურომ მასზე დღესვე იმსჯელოს. ბიუროს სხდომა პარლამენტში 12:00 საათზეა ჩანიშნული.
შეგახსენებთ, 2016 წლის ბიუჯეტი დაგეგმილია 3%-იანი ეკონომიკური ზრდის მაჩვენებელზე, ხოლო ინფლაციის მაჩვენებელი გამოყენებული იქნება ეროვნული ბანკის პოლიტიკით განსაზღვრული მაჩვენებლის ფარგლებში; ეკონომიკა 3 მილიარდ ლარზე მეტით გაიზრდება და 33,8 მილიარდ ლარს მიაღწევს.
